---
title: "കൊല്ലം ചിറയിലെ ബാലസഭ നീന്തൽ പരിശീലന ക്യാമ്പ് സമാപിച്ചു"
english_title: "content highlight Swimming training camp concludes"
publisher: "koyilandynews.in"
canonical_url: "https://koyilandy.truevisionnews.com/news/361026/content-highlight-swimming-training-camp-concludes"
published_at: "2026-05-22T14:45:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a101ededbe0b_20.jpg"
keywords: ["Latest News", "Koyilandy", "Swimming Training"]
---

# കൊല്ലം ചിറയിലെ ബാലസഭ നീന്തൽ പരിശീലന ക്യാമ്പ് സമാപിച്ചു

> **Lead Summary:** **കൊയിലാണ്ടി: [** കൊയിലാണ്ടി നഗരസഭ കുടുംബശ്രീ സി.ഡി.എസിന്റെ നേതൃത്വത്തിൽ ബാലസഭ കുട്ടികൾക്കായി കൊല്ലം ചിറയിൽ സംഘടിപ്പിച്ച നീന്തൽ പരിശീലന ക്യാമ്പ് ആവേശകരമായി സമാപിച്ചു.

## Article Content

**കൊയിലാണ്ടി: [** കൊയിലാണ്ടി നഗരസഭ കുടുംബശ്രീ സി.ഡി.എസിന്റെ നേതൃത്വത്തിൽ ബാലസഭ കുട്ടികൾക്കായി കൊല്ലം ചിറയിൽ സംഘടിപ്പിച്ച നീന്തൽ പരിശീലന ക്യാമ്പ് ആവേശകരമായി സമാപിച്ചു.

ഈ മാസം 14 മുതൽ 21 വരെ നീണ്ടുനിന്ന വിപുലമായ പരിശീലന പരിപാടിയുടെ സമാപന സമ്മേളനം നഗരസഭ ചെയർപേഴ്സൺ യു.കെ. ചന്ദ്രൻ ഔദ്യോഗികമായി ഉദ്ഘാടനം ചെയ്തു. കുട്ടികളുടെ ശാരീരികക്ഷമതയ്ക്കും സുരക്ഷയ്ക്കും നീന്തൽ പരിശീലനം ഏറെ അത്യാവശ്യമാണെന്ന് അദ്ദേഹം ചടങ്ങിൽ വ്യക്തമാക്കി.

നഗരസഭ വൈസ് ചെയർപേഴ്സൺ സി.ടി. ബിന്ദു ചടങ്ങിൽ അധ്യക്ഷത വഹിച്ചു. ക്യാമ്പ് വിജയകരമായി പൂർത്തിയാക്കിയ കുട്ടികൾക്കുള്ള സർട്ടിഫിക്കറ്റ് വിതരണവും ഇതോടൊപ്പം നടന്നു. കുട്ടികളെ നീന്തൽ പഠിപ്പിച്ച പ്രമുഖ ട്രെയിനർമാരായ നാരായണൻ നായർ, അജയകുമാർ, ശ്രീകാന്ത്, പ്രസാദ് എന്നിവരെ നഗരസഭയുടെ നേതൃത്വത്തിൽ ചടങ്ങിൽ ആദരിച്ചു.

നഗരസഭ കൗൺസിലർമാരായ വി. രമേശൻ, ബാലകൃഷ്ണൻ വലിയാട്ടിൽ, പി.കെ. ഷൈജു, വിജയലക്ഷ്മി, ലത, ഭാവന, രമ്യ തിരുവലത്ത്, തസ്തിയ, ഉസൈബ എന്നിവരും സൗത്ത് സി.ഡി.എസ് ചെയർപേഴ്സൺ ഷംസീറയും ചടങ്ങിൽ പങ്കെടുത്തു സംസാരിച്ചു.

നഗരസഭ ക്ഷേമകാര്യ സ്ഥിരംസമിതി ചെയർപേഴ്സൺ രമ്യ പണ്ടാരക്കണ്ടി സ്വാഗതം ആശംസിച്ച യോഗത്തിൽ നോർത്ത് സി.ഡി.എസ് ചെയർപേഴ്സൺ ആർ.കെ. മിനി നന്ദി രേഖപ്പെടുത്തി.

### Related Links & Sources
- [Original Story Source](https://koyilandy.truevisionnews.com/news/361026/content-highlight-swimming-training-camp-concludes)