---
title: "ലേബർ കോഡ് തൊഴിലാളികളെ അടിമകളാക്കുന്നു; കൊയിലാണ്ടിയിൽ വിജ്ഞാപനം കത്തിച്ച് ജീവനക്കാരുടെ പ്രതിഷേധം"
english_title: "Employees protest by burning notices in Koyilandy"
publisher: "koyilandynews.in"
canonical_url: "https://koyilandy.truevisionnews.com/news/358887/employees-protest-by-burning-notices-in-koyilandy"
published_at: "2026-05-12T12:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a02ca2083639_koyi4.jpg"
keywords: []
---

# ലേബർ കോഡ് തൊഴിലാളികളെ അടിമകളാക്കുന്നു; കൊയിലാണ്ടിയിൽ വിജ്ഞാപനം കത്തിച്ച് ജീവനക്കാരുടെ പ്രതിഷേധം

> **Lead Summary:** **കൊയിലാണ്ടി:[ **കേന്ദ്ര സർക്കാരിന്റെ പുതിയ ലേബർ കോഡുകൾ തൊഴിലാളികളെ അടിമത്തത്തിലേക്ക് തള്ളിവിടുന്നതാണെന്ന് ആരോപിച്ച് എഫ്.എസ്.ഇ.ടി.ഒ നേതൃത്വത്തിൽ കൊയിലാണ്ടിയിൽ ജീവനക്കാരും അധ്യാപകരും പ്രതിഷേധ പ്രകടനം നടത്തി.

## Article Content

**കൊയിലാണ്ടി:[ **കേന്ദ്ര സർക്കാരിന്റെ പുതിയ ലേബർ കോഡുകൾ തൊഴിലാളികളെ അടിമത്തത്തിലേക്ക് തള്ളിവിടുന്നതാണെന്ന് ആരോപിച്ച് എഫ്.എസ്.ഇ.ടി.ഒ നേതൃത്വത്തിൽ കൊയിലാണ്ടിയിൽ ജീവനക്കാരും അധ്യാപകരും പ്രതിഷേധ പ്രകടനം നടത്തി.

ലേബർ കോഡ് പിൻവലിക്കണമെന്ന് ആവശ്യപ്പെട്ടുകൊണ്ട് നടന്ന പ്രതിഷേധത്തിന്റെ ഭാഗമായി ലേബർ കോഡ് വിജ്ഞാപനം കത്തിച്ചു. കൊയിലാണ്ടി മിനി സിവിൽ സ്റ്റേഷൻ പരിസരത്ത് സംഘടിപ്പിച്ച പ്രകടനം എൻ.ജി.ഒ യൂണിയൻ ജില്ലാ ജോയിന്റ് സെക്രട്ടറി പി.സി. ഷജീഷ് കുമാർ ഉദ്ഘാടനം ചെയ്തു.

തൊഴിലാളി വിരുദ്ധ നയങ്ങൾക്കെതിരെ ശക്തമായ പ്രതിഷേധം ഉയർത്തേണ്ടതിന്റെ ആവശ്യകത അദ്ദേഹം ചടങ്ങിൽ വിശദീകരിച്ചു. ഗണേഷ് കക്കഞ്ചേരി അധ്യക്ഷത വഹിച്ച പരിപാടിയിൽ എം.പി. ജിതേഷ് ശ്രീധർ സ്വാഗതം ആശംസിച്ചു.

എ.ടി. അഭിൽരാജ്, എസ്.കെ. ജെയ്‌സി, കെ. മിനി, പി.കെ. പ്രഭിലാഷ്, സി.ബി. സജിത്ത്, ഇ. ഷാജു, സി.കെ. ശ്രീജിത്ത് എന്നിവർ പ്രതിഷേധ പ്രകടനത്തിന് നേതൃത്വം നൽകി. ജില്ലാ-താലൂക്ക് കേന്ദ്രങ്ങളിൽ പ്രതിഷേധം സംഘടിപ്പിക്കുന്നതിന്റെ ഭാഗമായാണ് കൊയിലാണ്ടിയിലും ഈ പ്രകടനം നടന്നത്.

### Related Links & Sources
- [Original Story Source](https://koyilandy.truevisionnews.com/news/358887/employees-protest-by-burning-notices-in-koyilandy)