---
title: "അധ്യാപകരാകാൻ അവസരം; കൊയിലാണ്ടി ഗവ. കോളേജിൽ വിവിധ വിഷയങ്ങളിൽ ഒഴിവുകൾ"
english_title: "Vacancies in various subjects at Koyilandy Govt. College"
publisher: "koyilandynews.in"
canonical_url: "https://koyilandy.truevisionnews.com/news/357852/vacancies-in-various-subjects-at-koyilandy-govt-college"
published_at: "2026-05-07T10:54:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69fc22a439410_hdghfg.jpg"
keywords: []
---

# അധ്യാപകരാകാൻ അവസരം; കൊയിലാണ്ടി ഗവ. കോളേജിൽ വിവിധ വിഷയങ്ങളിൽ ഒഴിവുകൾ

> **Lead Summary:** **കൊയിലാണ്ടി:[ **സയ്യിദ് അബ്ദുറഹ്മാൻ ബാഫഖി തങ്ങൾ മെമ്മോറിയൽ ഗവൺമെന്റ് കോളേജിൽ വിവിധ വിഷയങ്ങളിൽ അതിഥി അധ്യാപകരെ നിയമിക്കുന്നു.

## Article Content

**കൊയിലാണ്ടി:[ **സയ്യിദ് അബ്ദുറഹ്മാൻ ബാഫഖി തങ്ങൾ മെമ്മോറിയൽ ഗവൺമെന്റ് കോളേജിൽ വിവിധ വിഷയങ്ങളിൽ അതിഥി അധ്യാപകരെ നിയമിക്കുന്നു.

മലയാളം, മാത്തമാറ്റിക്സ്, സ്റ്റാറ്റിസ്റ്റിക്സ് എന്നീ വകുപ്പുകളിലാണ് ഒഴിവുകളുള്ളത്. താൽപ്പര്യമുള്ള ഉദ്യോഗാർത്ഥികൾക്കായി വ്യത്യസ്ത ദിവസങ്ങളിലായാണ് അഭിമുഖം നിശ്ചയിച്ചിരിക്കുന്നത്.

മാത്തമാറ്റിക്സ് വിഭാഗത്തിലേക്കുള്ള ഇന്റർവ്യൂ മെയ് 14-ന് രാവിലെ 10.30-ന് നടക്കും. സ്റ്റാറ്റിസ്റ്റിക്സ്, മലയാളം വിഷയങ്ങളിലേക്കുള്ള അഭിമുഖം മെയ് 18-നാണ് ക്രമീകരിച്ചിരിക്കുന്നത്.

അന്നേ ദിവസം രാവിലെ 11 മണിക്ക് സ്റ്റാറ്റിസ്റ്റിക്സ് വിഭാഗത്തിലേക്കും ഉച്ചയ്ക്ക് 2 മണിക്ക് മലയാളം വിഭാഗത്തിലേക്കും ഉദ്യോഗാർത്ഥികൾക്ക് ഹാജരാകാം.

നെറ്റ് (NET) അല്ലെങ്കിൽ പി.എച്ച്.ഡി (Ph.D) ഉള്ളവർക്കാണ് മുൻഗണനയെങ്കിലും, ഇവരുടെ അഭാവത്തിൽ ബന്ധപ്പെട്ട വിഷയത്തിൽ 55 ശതമാനം മാർക്കോടെ പി.ജി ബിരുദമുള്ളവരെയും പരിഗണിക്കുന്നതാണ്.

യോഗ്യരായ ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം നിശ്ചിത സമയത്ത് കോളേജിൽ എത്തേണ്ടതാണ്.

### Related Links & Sources
- [Original Story Source](https://koyilandy.truevisionnews.com/news/357852/vacancies-in-various-subjects-at-koyilandy-govt-college)