പയ്യോളി : ലൈബ്രറി കൗൺസിൽ പയ്യോളി മേഖല നേതൃ സമിതിയുടെ ആഭിമുഖ്യത്തിൽ പ്രവർത്തന സംഗമവും, എം.ടി വാസുദേവൻ നായർ, പി. ജയചന്ദ്രൻ അനുസ്മരണവും നടന്നു. ചടങ്ങ് മുൻസിപ്പൽ ചെയർമാൻ വി.കെ അബ്ദുറഹിമാൻ ഉദ്ഘാടനം ചെയ്തു.
ലൈബ്രറി കൗൺസിൽ മേഖല സമിതി ചെയർമാൻ പി.എം അഷറഫ് അധ്യക്ഷത വഹിച്ചു. 45 വർഷം ലൈബ്രേറിയനായി സേവനം കാഴ്ചവച്ച, ജ്ഞാനോദയം ലൈബ്രറിയിലെ ടി.സോമനെ മൊമെന്റോ നൽകി ചെയർമാൻ ആദരിച്ചു. ടി.ചന്തു മാസ്റ്റർ പൊന്നാട അണിയിച്ചു.
തുടർന്ന് എം.ടി. വാസുദേവൻ നായർ, പി.ജയചന്ദ്രൻ എന്നിവരെ അനുസ്മരിച്ച് കെ.സജീവന്‍ മാസ്റ്റർ, സി.സി ചന്ദ്രൻ, ഇബ്രാഹിം തിക്കോടി എന്നിവർ സംസാരിച്ചു. കൗൺസിലർ ടി.ചന്തു മാസ്റ്റർ, കെ.വി രാജൻ, കെ.ജയകൃഷ്ണൻ, വടക്കെയിൽ ഷഫീഖ്, വി.ടി.ഉഷ, കെ.വി ചന്ദ്രൻ, പി.സോമൻ, അനിൽകുമാർ എന്നിവർ സംസാരിച്ചു.
Paioli Library Workers Council organized meeting and commemoration of MT and P Jayachandran
